你有一個愛流浪的daddy:林宥嘉為癌症父親代唱

Share on facebook
Share on twitter
Share on telegram
Share on whatsapp

「我想趕在這位爸爸,還有體力的時候,完成這件事,所以今年的生日願望,我想讓給他。」

7月1日係台灣歌手林宥嘉33歲生日,於昨晚發表咗一首名為〈寶貝不要哭泣〉嘅翻唱作品,原曲係由一位同 Yoga 年紀相約嘅年輕父親所寫。

呢位爸爸係一位重症癌病患者,喺得知自己也許時日無多後,本身亦熱愛音樂嘅佢費盡心力寫下一首歌,留畀兩個剛入讀小學嘅孩子。

但礙於身體狀態限制,佢已經唱唔出心目中嘅歌聲,於是請求醫生為佢搵一個人代唱;然而呢位爸爸並不知道,原來佢嘅主診醫生係 Yoga 兒時朋友。

「他希望這首歌,能讓越多人聽見越好,因為未來他的孩子在同儕間會意識到自己少了爸爸,但是他想提前讓他孩子周遭的人知道,他們也是被爸爸愛著的。」

順帶一提,畫面中伴奏嘅係 Subyub Lee 李拾壹

【歌詞節錄】

寶貝 請你不要忘記
你有一個愛流浪的daddy
在不同的城市繼續 想你
//
呢個故事既痛心亦窩心,歌曲誠懇動人。而作為香港人,不期然想到此時此刻,喺呢個地方無論做仔女又好,做父母又好,可能都開始有類似念頭:趁早留下心裡說話,待到自己不知何時,亦不知為何消失於對方世界後,以後仍能夠藉著話語相伴相隨。

就好似過去一年多,大家喺網路上閱讀過嘅許多封年輕遺書。

當然,我哋不認為要消極任由更多呢種故事,喺將來嘅香港發生。

Share on facebook
Share on telegram
Share on whatsapp
本網站正使用 Cookie 我們使用 Cookie 改善網站體驗。 繼續使用我們的網站即表示您同意我們的 Cookie 政策。